In zour mwin la antann dir néna in bonpé tizane lé marké dann la farmakopé franssèz - plizyèr dizène, mèm plizyèr santène. mé mi doi dir azot néna souvan kékshoz i jène amwin in pé... Pars sak mwin noré émé sék’i étidyé lo bann tizane - lo bann plante -, i trouv bann bon molékil épi téi transform sa an médikaman prinssipal, pa an rou d’sokour.

Pou kossa mi di sa ? Pars kan mi suiv bann zémission dann télé sansa dann radio lo tizanier i di, pou la pèrssone néna in maladi idantifyé, i fo kotinyé pran médikaman doktèr éli done la pèrssone ziss in tizane pou konplète lo trètman sansa pou éfass in l’éfé sogondèr non vouli, osinonsa sé pétète lo komansman d’in parkour an dirékssion noute lindistri médikaman...

Sak mi yèmré sé in l’étide a suiv dsi bann molékil épizapré fé in médikaman prinssipal tèl fasson, firamézir isi shé nou, ni fé noute prodikssyon pa solman la tizane mé galman mé dikaman avèk bonpé prodiktèr, avèk lo laboratoire k’i fo, épizapré dévlope inlindistri médikaman, konm banna i fé dann Cuba, in péi tranglé par bann zamérikin.

A bon antandèr, salu !

Justin