Dam, la sosyété, koz èk moins é koz èk in kouyon-sé o pyé d’lo mir k’i oi lo mason. Kosa i lé inn parti ? Koméla, i apèl plito sa in ropa partaz. Shak famity i amenn son mnzé éi partaz rant lé z’inn épi lé zot. Mé néna kant mèm inndé filou la dan, zot i amenn pa arien. Poitan la pa zomi amenn arien. La pa zoli, sèrv aou dann marmite lé zot alé oir, ou pèrsonèl ou i amenn pa d’marmite. Romark bien, pèrsone i di pa arien pars la plipar d’tan néna plis ki an fo. Mi vé pa dir néna an gaspiy mé shakinn i fé in l’éfor pou fé pass tout demoun in bon ropa. La règ sé dir ou i trouv bon é normalman lé bon pars La Rényon i kui bon manzé, bien sosé, bien rousi. Fansh vérité, moin lé fine bourling in pé partou, mé lo méyèr manzé moin la manzé sé manzé mon péi. Alé ! Mi kite azot rofléshi la dsi é ni artrouv pli d’van. Sipétadyé !