Ni konpran toutsuit in n’afèr konmsa lé pa posib. I pé fé la gig pou anpar la mèr. I fo gro gro moiyin pou sèye protèz demoun kan nana in rad’maré. Mé sak moin la mark an o la sirman la pa in bon métod. Sans prop i vé dir sa, mé sans figiré alor ? Sinploman san moiyin, sansa avèk in bann fèb fèb moiyin kroi pa ou va gingn in bon rézilat. Mé ni pé romarké galman si in sinp pti moiyin i sifi, pran bèl bèl moiyin sé gaspiyaz é konpagni. Alé ! Mi lèss azot réfléshi la dsi é ni artrouv pli d’van sipétadyé.