Oté

« Anbar la mèr èk in boushonn paye ! »

In kozman pou la rout

Justin / 9 févrié 2018

JPEG - 43.6 ko

Konm moin, zot i koné koman la mèr néna la fors. Si zot la viv in pé raproshé par rapor la mèr zot i koné son kapasité. Etan pti, koté Barashoi la fé in pon di nor an béton. Promyé siklone la kass lo pon an dé. Dann tan-la lo Barashoi li mèm té i rès solman in kolone vèrtébral an fèr. Antansyon, mi vé pa dir azot tout sak i fé bordmèr va kass par bout mé si la pa bien proporsyoné, si la pa bien kalkilé, si la pa bien monté, li risk kassé... Pou arprann mon kozman an-o la, sa i vé dir, si ou i vé fé in bon konstruksyon, ou na intéré li lé solid é i fé bien l’antrotien pars na touzour in zour i apèl domin é domin ni koné pa kosa lé riskab arivé. Alé ! mi lèss azot rofléshi la dsi é ni artrouv pli d’van sipétadyé.