Mi koné pa si zot la majine in zour, si zot la rèv in kou, d’anbar la mèr, mé si zot la fé l’ésé sa i étoneré pa moin ké zot la pa gingn fé. I di galman anbar la mèr avèk in boushonn paye donk in l’antropriz kaziman inposib. Mé in moun i rode pou anbar la mèr sé in boug néna l’anbisyon pli k’i anfo é si li néna l’anbisyon i fo galman li néna lo moiyin pou fé sak li vé fé. Sink doi rouvèr la pa lo méyèr manyèr : l’anvi i pé z’ète la, mé lo moiyin lo l’anbisyon lé pa la... Astèr i pé an avoir in n’ot sans dann kozmanla : i vé dir, souvan dé foi, dann travaye sansa dann la famiy i domann aou tro. L’èrla ou i pé fé lo roprosh par raport i domann aou tousèl pou fé tro, I domann aou bar la mèr é sa sé in nn an parmi bann travaye Arkil. Alé ! Mi lèss azot rofléshi la dsi é ni artrouv li d’van sipétadyé.