Kan i koz si l’dévlopman nout péï, sakinn na son manièr voir lavnir. Sakinn na son mo pou ralonz lo déba é toulmonn lé dakor pou dir i fo ni bouz. Le FIP ni anons zordi si kouvértir nout zournal i tonm in moyin korék pou sat na larzan i dor. D’in koté ou na domoun i vyin dépoz zot larzan, so larzan la i mét lot koté dann bann ti zantropriz La Rénion. O bout uit an, domoun i rékipèr zot moné, sirman ék inn ti moné an plis, minm si na in risk i giny pa rien, sof in rédiksion linpo lé sir.
Tousala mi gingnra pa moin partisipé akoz moin na vréman poinn larzan pou mét si koté. Mé si moin lavé, moin noré fé, daborinn akoz moin néna, kom nout tout, santiman pou mon péï. Ala in afèr i tourn ron ousa larzan domoun La Rénion i plas, i réss la-minm, i ansérv nou-minm. Mi aspèr sra pa ryink bann pli gro, d’in koté konm lot, va anprofit sistinm-là. I fo amélior ali pou bann zantropris ankor pli pti é pou bann ti moun kom moin osi.

Zistin