Oté

« Anprète pa la min out frèr pou grate aou ! »

In kozman pou la rout

Justin / 9 désanm 2017

JPEG - 43.6 ko

Kozman konmsa néna in pé dann tout lang mé désèrtènn foi, i di sa in pé pli kriman. Fransh vérité i aparète in pé bizar anprète la min son frèr é anplis pou fé in drol de travaye, si zot i konpran amoin bien. An touléka, la pa pou fé bann z’aksyon bien poli, bien élégan, bien korèk. An kontrèr sé pou fé dé shoz inkorèk é kan i di inkorèk sé sinploman in zès demoun malélvé, in pé grosyé, in pé koné pa viv. Pétète galman konm i di, in pé malonète konm fé pass la min dann sak demoun pou trap sak i trènn par si par la. Mi lèss azot réfléshi la dsi pou zot konprann in pé lo sans provèrb la. Ni artrouv pli d’van sipétadyé.