Méssyé, Médam, La Sosyété koze èk mwin sé koze èk in kouyon, mé sé o pyé d’lo mir k’i oi lo masson.

Zordi ni parl dsi lo kozman moin la mark an-o la é la pa initil solon mwin. Pars lé vré in tan l’avé in radio, in télé, é banna téi raport touzour lo poinn-vizé ofisyèl donk kolonyal. Zot l’avé zot partipri é sak téi pans pa konm zot lo bèk té také-é sak té pa kontan, li l’avé ka pran konstan.

Aprésa, banna la mète lo pliralité konm i di : plizyèr klosh pou done plizyèr son. Mé antansyon, ni vé ni vé pa, bann gran médya i roflète ankor épi touzour lo poinn vizé ofisyèl, donk lo poinn vizé dominan-konm I di, la voi d’son mètr. Sé pou sa, malgré lo pliralité bann sours linformasyon, mwin sré tanté pou dir zot i vande aou lo mèm linformssyon avèk lo mèm linterprétasyon.

Tanka lé z’ot, si zot i di pa lo mèm zafèr in pé i pé di sé in falknew-zistoir mantèr. Alé ! Mi kite azot rofléshi la dsi é ni artrouv pli d’van. Sipétadyé.