Mézami zot i koné bien lo matrap sé in pyèz é biensir si sé in pyèz i fo touzour évité lo pliss possib mé la vni galman lo nom linstriman — lo matrap — pou trape in zanimo kissoi in souri, kissoi in zoizo, kissoi moustik mèm antouléka kékshoz k’i trape é k’i larg pa si possib.

Astèr mi panss zot i koné galman lo mo « gob », in mo Daniel Vabois la mète an valèr dann zsitoir li téi rakonte in pé partou. Listoir-la sé sète in rényoné i sava an Franss épi i désside poz pyèz — donk poz gob pou pyèz zoizo dsou — pou trape in fritire zoizo dann park mé sa i spass mal bien antandi.

Alé ! Mi kite azot rofléshi la dsi é ni rotrouv pli dvan, sipétadyé.

Justin