Kozman mwin la marke an-o la i fé parti bande kozman ni antan dopi lontan é sa i vé dir kékshoz konm : zordi mwin lé pèrdan, mé néna in zour i apèl domin. Domin mwin sar lo gagnan.

Fransh vérité baton néna dë boute : in boute pou tienbo dan la min, épi in boute pou tape avèk. Donk néna sak i tape — li néna baton dann son min - épi sak i gingn lo kou é li lé lo mové koté lo baton... Mé sa lé pa définitif.

La vi lé shanjante mézami, zordi ou lé gagnan, pétète domin sé ou lo pèrdan é sa sé in kozman mi domande azot pou rofléshi dsu.

Ni rotrouv pli d’van, sipétadyé.

Justin