In kozman pou la rout

« Antansyon, mové pansé i sort dann kèr, mé mové kozman i sort par la boush »

26 désanm 2018, sanm Justin

Zot i koné néna d’moun néna bon kèr épi d’ot néna mové kèr. Dopi lo mond la komansé lé konmsa mèm. Moun néna mové kèr, i zène pa zot ditou, pou adrèss aou mové kozman. Mé sé la boush alor i ansèrv konm mésazé. Donk si ni konpran bien, dann in n’afèr konmsa la boush lé sinploman in zoutiy : li pans pa, li kalkil pa, li trouv pa ni bon parol ni mové parol, méli rofiz pa non pli anvoye aou sa-kaziman zète aou sa dann figir. Si sa lé vré, donk kisa lé mové ? Lo kèr sansa lo sèrvo pars lo kèr sé in sinp misk é li la poin arien a oir avèk lo l’intélèk. Akiz la boush, sa i ansèrv de rien ! Akiz la lang é trète ali d’mové lang sa i ansèrv arien galman. Ni pé dir in mové pansé i pran son sours dann in mové pèrsone, in bon pansé dann in bon pèrsone. Alé ! Mi kite azot rofléshi la dsi é ni artrouv pli d’van. Sipétadyé !

Padport

Signaler un contenu

Inn modékri, inn ti lavi, inn komantèr ?


Témoignages - 80e année

La pès kabo

5 juillet, par Christian Fontaine

Kan i ariv Novanm-Désanm-Zanvié, domoun i réziste pi ek la salèr. Zène-zan i mars dann somin, zène-fi i roul an dékolté ; sétaki i rod in manir po (…)


+ Lus