Mézami, mi sipoz, zot i koné latraksyon la tèr i égzèrs dann son lanvironeman. Zot i koné listoir Newton téi rogarde in pom tonbé ép li téi poz ali késtyon konm : « Akoz ti tonb atèr é ti tonb pa anlèr ? Épi li la trouv la fors latraksyon. Zordi ni koné sa lé valab sof si i monte an-o mèm dann léspass é l’èr-la i shape avèk latraksyon. Mé la règ i vo toultan k’i arèst dann lo shan latrakssyon térèst.

Mé nou l’apré anparl in règ dann la sossyété é règ-la i vé ké wi monte si wi gingn osinonsa si d’moune i pouss aou an-o, an-o mèm, mé ariv in moman wi artonb an-ba. Sa sé la loi d’la vi an sossyété é èl lé valab pou toute demoune. Wi pé pa dépass lo syèl ! Alor kalkil bien kékshoz : lo kapitol lé koté la rosh tarpéiène.

Alé ! mi kite azot rofléshi la dsu é ni artrouv pli d’van. Sipétadyé.

Justin