(page 16)

Shèf la kanpagn pou le “oui”, Jean-Pierre Raffarin lé riskab artrouv ali èk dé lékoplas’ kolé an kroi si son boush. Antouka, dann le kan pou le “oui”, bonpé i prière bondié pouk li boush son gèl !

“Shèf pou le oui”, zot i pé pa fé tro otroman. Mé pou l’UMP, konm pli bizarman pou le PS, Raffarin i pé pa èt rotshoz ke Zénéral Martin Kikouzi. In drol kalité larmé pou in drol kalité kanpagn, zot i trouv pa ? ! !

Moin la mèm antandi in shoz étranz : “si Raffarin i koz, li plonm le oui”. In mank évidan la rekonésans’. Parske, kosa i lé la politik la kass’ sosial le gouvèrnman Raffarin ? Sinonsa zisteman, sat i atann anou an gran èk la Konstitision iltralibérale l’UMP èk le PS i vé inpozé pou l’Europe. In lingratitid apèn kroyab ! ! !

Justin