Médame, zé Méssyé, la sossyété, koz èk mwin sé koz avèk in kouyon, mé sé o pyé d’lo mir k’i oi lo masson.

Mézami zimaz an –o la , i rapèl a nou in poisson konm in zanguye , sansa in kong.Mèm li lé dsu la sab, mèm si i diré li lé mor, i ariv ké li lé ankor vivan é ké li mète a glissé dsi la plaz pou rotourn dann lo. Tazantan li lé sinploman KO é li ropran konéssans.

Astèr konm sé in provèrb alon majine in moune la fé kékshoz de mal é li avoué pa .Pou fé avoué ali, i fo poz ali késtyon pou trayi ali .Sa sé in riz bande polissyé kan zot i intéroz kélk’in é suivan zot adress pou poz késtyon, sa s’pé zot i fé avoué. Zot i pèz dsu la ké pou oir si la tète i bouz.

Alé ! Mi kite azot rofléshi la dsi é ni artrouv pli d’van. Sipétadyé.