Mézami provèrb-la sa in provèrb La Zamaïk mé kossa li vé dire ozist. Souvan défoi in zanfan i pass plizyèr éstade avan marsh deboute : défoi li trène ali dsi son vante - i pé dire li ranpe - défoi li marsh kate pate, pti katpate, gro kate pate avan mète ali doboute konm in bipède.

Sak i inkyèteamwin sé lo ranpé : in moune i ranpe dovan in n’ote, sanm pou mwin li abèss ali. Alor i vo myé ni abèss anou, avan drèss doboute ? Mi préssan sa la pa in bon lign konduite sa, mi prétan sa sé ankor in manyère pou abéssé. Si sé sa, sa la pa bon, an kontrère i fo pa ni konsèye de moune pou abèss azot mé plito drèss lo rin, fère fass, ala in bon manyèr viv.

Alé ! Mi kite azot rofléshi la dsi é ni rotrouv pli d’van. Sipétadyé.