« Apré boir, na lo déboir »

Mi pans pa sa sé in provèrb pars si nana bien in konsèy - konsèy pou pa tro boir - mé mi oi pa koman i pé trouv in l’aplikasyon sosyal pli zénéral pou so kozman-la. Moin lé sir, kant mèm, zot la fine trouv azot dann in sityasion ousa zot i rogrète, pou zot, sansa z’ot famiy ou bien z’ot dalon in soiré, ou bien in ropa, kèlk’in la lès ali alé épi la fé z’éksé é dann tousala zot i koné in pé nana l’alkol koul, in pé nana l’alkol mové. Alor zot i konpran bien pou kosa so kozman-la, i donn anou bon konsèy. Mèm dsi boutèy l’alkol lé marké : « Abiz pa dsi ! ». Alé ! ni rotrouv pli d’van.

*déboir. Kosa i lé sa ? Lo z’an-nui konm an fransé sansa lo kivé d’ son kuite ? Pétète sinploman in zé d’mo konm nana in bonpé dann bann kozman konmsa.