Bande kamarade martiniké va éskize amwin pou lo kozman. Sirtou dann la sityasion zot i lé zordi, in sityassyon zot la pa vouli mwin lé pliské sir.

Dann kozman-la i di sinploman landomin d’fète alala traka, prépare kashé konte mal de tète. Mé la pa solman vré dann la Martinik, sa lé vré in pé partou, dann toute péi, dann toute landroi : i amiz kan néna lokazyon mé apré sa néna konsékanss pou siporté… sirtou dsi la késtyon la monante. Tazantan wi arsorte la fète oki konm job dsi son ta fimyé. Dizon ziska èstèr nou lé dann sanss prop é konm mi di, la pa bézoin bak+24 pou konprann sa, mé néna ossi in sanss pli zénéral – figuiré konm i di – é i fo ni sèye oir kossa i lé, dann kèl ka i pé ansèrv sa ?

Dann bande provèrb kréol rényoné néna in kozman i di « la rou i tourn », zordi ou lé anlèr, é domin wi pé zète atèr. Sé sa i fo bien kalkilé dan la vi. Alé !

Mi kite azot rofléshi la dsi é ni artrouv pli d’van. Sipétadyé.