Oté

Apré Paul, Elie, é apré Elie… pétète Julie konm député éropéin rényonèz

Justin / 9 mé 2019

JPEG - 43.6 ko

Souvan dé foi, mi poz amoin késtyon dsi lo méyèr fason d’ète député éropéin rényoné, é souvan défoi mi pans inndé député la pass z’ot tan kisoi Strasbourg, kisoi Bruksèl, kisoi d’ot landroi l’Erop ankor pandan lo tan zot l’apré amenn zot manda. L’èrla, mi domann amoin bien si désèrtin i rapèl zot nonbriy lé antéré La Rényon, i rapèl zot lé rényoné an promyé. Konm mi pans moin lé rényoné an promyé épa arenk dopi zordi mi pans sa.

A moins ké ni artourn dann tan la koloni, dann tan avan l’avé l’aviyon. A s’ki paré, dann tan Gasparin, dann tan Brunet, dann tan Bousnot, bann député téi vien arienk pou fé élir azot, é aprésa i rovien sink sizan apré pou ramass in n’ot manda. Mi di pa banna té i ansèrv arien, mé sanm pou moin, zot lété pa pou vréman intérésé san pour san avèk Nout péi La Rényon. Zot téi oi an poinn vizé bann zafèr fransé, é pa bann zafèr nout péi, nout pèp, La Rényon.

Sa lété pa lo ka nout défin kamarad Paul épi nout kamarad Elie. Pou zot té pou zot péi zot té apré soubate é lété lintéré nout péi épi nout pèp zot té i okip prinsipalman é mi pans si lo déstin i vé, nout jenn kamarad Julie va suiv modèl nout dé bon kamarad moin la nonm an-o la... Biensir bann dosyé, bann problèm sa i débate laba dann l’érop-si ou lé député éropéin - mé avèk konm poinnvizé lintéré nout péi épi nout pèp.

An pliské sa, i fo pa koup lo kordon avèk lo péi, avèk la lite. Sé konmsa moin la vi travye Paul Vergès épi travaye nout kamarad Elie. Biensir, sa lé pli difisil ké pass son tan dann bann palé éropéin mé lé pli itil pou nou rényoné é sé sak mi souète pou Julie. Mi souète èl lé élu épi èl i amenn la lite konm député éropéin rényonèz.

Apré Paul, apré Elie, pétète domin julie konm nouvo député éropéin rényonèz. Fransh vérité sé konmsa mi oi sa !



Inn modékri, inn ti lavi, inn komantèr ?



Bann modékri andann forom






  • Oté konpér .Pétète kom député éropéin rényonèz. Alon Dalon Vou lè pa lévè .Vi dor .Tout de moun y vote pou not Julie . Li not Däm -Notre Dame- ansanm li na fè in zoli è in nëv "Notre Dame", not nouvél konstruction . Not dam député éropéin rényonèz. Dalon alon di tout de moun . La nouvelle Dame lè arrivée. Venez vivre le FUTUR au quotidien avec Julie. Avec Julie c’est demain :
    - nous nous aimons.
    - nous partageons, nous partagerons
    - Enfin du rêve. Enfin de la tendresse. Enfin des jours meilleurs.
    Viens prends ma main et allons voter JULIE.
    Demain nous la saluerons :" Notre Dame nouvelle , Julie , notre députée Européenne.

    Article
    Inn modékri, inn ti lavi, inn komantèr ?