Mon rézon i porte dsi bande lang minoritère, an partikilyé dsi noute kréol La Rényon. Antansyon, mi sa pa di azot in kozman z’éspésyalist mé sinploman sète in moun toulézour, shak zour, pti kou san sèss, i fé toute sak li pé pou gardien nout tanple anou, lo kréol rényoné, avèk son kiltir, son filozofi, épi konm k’i diré noute lidantité d’rényoné, sak i fé ké nou sé nou é nou sé pa lézote, é lé zote sé pan ou, san dézorde, san rankine, san z’ète séparatist, avèk si zot i vé konm sinp fil rouj sète nout lidantité rényoné.

Donk na pwin lontan, lo parlman bande fransé la vote in loi, é d’apré sak mi koné sé in pa an avan pou noute lang kréol rényoné, épi son l’izaz dann lékol pou marmaye nout péi. Mi koné pa pou kossa mé kan mwin la konète in soisantène dépité-sénatère la porte in réklamassyon dovan lo konsèye konstitisyonèl mwin lété pa trankil é mwin téi di provik i fé pa in pa an avan é dé pa an aryèr, mé o moinss dë pa an avan é in sèl pa anryèr.

Astèr zot i koné lo konsèye an késtyon la kass in pé déssèrtènn mézir té marké dan la loi-Témoignages yèr i anparl donk lir ali bin. L’ère d’zordi, mi panss loi-la mèm in pé aboli dann dsu lé zantournir la pa in kou d’épé dan lo, é mi panss nou va oir la koze la avanss in pé é nou militan i fo konm i di san foi dsi lo métyé ni romète nout louvraz, poli é ropoli ali san sèss.

Mé kon m sé t’in n’afèr kapital, nou nora lokazyon aroir l’afèr.