Mé konm mi di souvan lé pa touzour ké demoune i sède dovan in volonté égzazéré é dann nout lang konm dan, n d’ote néna zarguiman pou rézisté. Sé an fouyan dann somi-lo mo lo gran Daniel honoré ké mwin la trouv kozman-la é lidé la vni dann mon tète pou done in bon réponss mon bann kamarad.

La vi ossi son koté i aprann anou dé shoz é dannbann zistoir d’famiye néna kozman wi pé baz déssi… Dann mon zansète l’avé in fézèr d’mèb é li l’avé bonpé kamarad. In zour li désside fé in tabouré pou in kamarad é kan lo kamarad i vien pran, on_ète, li domann konbien li doi é mon zansète i di : »Wi doi pa mwin arien ! »

Lo ga i rofléshi in pé épi li di si mwin téi koné sa lété gratuite mwin nora dmann deu. Mi koné pa kossa zot i anpanss mé sirésèrtin sé in moune téi rèv fé mark son nom dsi livré d’famiye lé zot.

Alé : Mi kiote azot rofléshir la dsi é ni retrouv pli dvan, sipétadyé !

Justin