Dopi étan pti nou la touzour konète sa kissoi toutkalité rougaye, kissoi pti bonbon bien pimanté. An fète shak nassyon néna son rosète pou aranz la boush kissoi nasyon shinoi, kissoi nasyon malbar, kissoi malgash ; kissoi ankor bann yab i pé apèl ossi litone. Mé afors lo tan i pass néna in partaz rante nassyon é tout i dovien la propriyété toulmoune.

Antanssion parl pa mwin bann zarivé la dèrnyèr èr, toussa bann moune i panss zot néna lo droi tourn nout patrimoine a zot fasson. Iensir shakinn i koné sak li mète dann son mar ! mite ékoman li mète sa dann son marmite mé la pa pou sa in pé néna lo dtroi trayir nout patrimoine.

Koméla dann tout télé néna bann zémission dsi manzé ; Lé bien mé la pa pou sa i fo di demoune sé zot lo shèf pars sa i ankouraz inn fasson fèr ninport koman é sa lé pa bon.

A bon antandèr salu é sak lé pa kontan li na ka rode in kamarad pou li.

Justin