Pa fasil zordi, tèlman la konplikasiyon lé partou, konprann inn afèr dann tousat i éspas travèr le mond. Mé défoi, konm in flash, dé p’ti chif, aligné inn koté lot, lé sifizan pou glass nout gongon d’kèr. Mèm si sa i donra pa nou forséman toute la limièr !

Akout inpé : la popilasion dann péi rish i gaspiy 90 poursan lo manzé i produi dann lafrik. Otromandi, é pou èt ankor pli klèr, 1 miliyar d’pèrsone i jèt 670 miliyon tonn manzé. O vinté-inièm sièk !

Koman aksèpt in parey gaspiyaz ? Dotan plis sat nana i zèn pa zot pou gaspiyé. An gaspiyan, zot i fé la polision é zot. Évidaman, i fo pa lès sa konmsa !!!

 Justin