Mézami amar lo kèr, konm i di, sa in drol kozman-sa. Sa i vé dir la pèrsone la si tèlman anvi mon bann volaye èl i amar lo kèr dsi é biensir mon volaye, aprésa, lé pa bien ditou, lé konmsi demoune l’aranj ali.

Zot bann léktèr « Témoignages », zot i koné kossa i vé dir amar lo kèr, épi aranjé. Aranjé, sa sé pou d’moune, lé vré ossi pou bann zanimo, é lé vré pou bann plante. In zour in moune la di amwin si tèlman son voizine téi anvé d’li, son plante la krévé. Mwin la panss son voizine lété parti oir in for sorssyé.

Kan i komanss konmsa, la pa bon ditou : si l’moune i gingn la vévé, si zanimo i tonb fèb dsi la pate, si bann plante i krèv san k’i ariv arien sé l’èr pou alé oir in guérissèr san atann la fin dé zariko.

Alé ! Mi kite azot rofléshi la dsi é ni rotrouv pli d’van, sipétadyé.

Justin