Astèr ni rovien dsi lo mo « babane » : dann diksyonèr sa i vé dir in moune lé pa tro futé, dizon in gogo, dizon ankor in moune in pé bète-bète mé lé pa pou sa demoune i aksèp i fé babane avèk zot. Donk zot i yèm pa pass pou in inbéssil. Zot i yèm pa k’i roul azot dann la farine. Kissa k’i yèmré sa ? Pa mwin antouléka,.

Néna d’moune i panss zot lé pli intélizan, pli malin é zot i ézite pa roul de moune dan la farine, donk fé babane avèk lo moune mé fransh vérité mi yèmré pa fèr in n’afèr konmsa, mi diré mèm sa sé in n’afèr a évité.

Kossa zot i anpanss ? alé, mi kite azot rofléshir é ni retrouv pli dvan, sipétadyé.

Justin