Médame, zé Méssyé, la sossyété zot i koné boudin kui dann vante koshon sa in n’afèr la pa sir ditou. Pou kossa ? Pars pèrsone i koné pa si lo koshon, in zour, demoune va transforme ali an boudin, sossis, épi toute la sharkiteri k’i sava avèk sansa i son vi i arète pa sèk in zour san ké li la grossi konm k’i fo.

Pli sirman sa i vé dire alé pa dépanss larzan ou la pankor gagné, sansa pou in komèrsan alé pa done krédi in moune wi koné pa si li va gingn pèye aou. Mi rapèl in shanté dsi démarshèr é mi panss sé Ziskakan téi shante sa : lo bande parol lété « oté démarshèr, oté V… arète tir sossiss kui dann vante koshon ». Donk par l’fète l’avé in boug té apré krazé vèye pa koman ziskatan ké li la konpri lo bande parol. L’èr-la li la parti an ziran. Li lété démarshère in pé i di.

Alé ! Mi kite azot rofléshi la dsi é ni artrouv pli d’van. Sipétadyé.