Mésyé, Médam, La sosyété, koz èk moin sé koz èk in kouyon, mé sé o pyé d’lo mir k’i oi lo mason. Souvan défoi i di sa pou in maladi k’i ariv vite mé i ropar Dousman mé i pé di sa galman pou la ruine l’antropriz sansa pou tout kalité tablatir i pé ariv koméla dsi lo poinn-vizé d’la santé, konm dsi sète lékonomi… Mi pans zot la antann parl la grip éspagnol, koman sa l’arivé par lo bato Madona épi koman sa la fé déga. Sa l’ariv osi pou tout kalité la pèst l’avé isi épi ayèr tazantan. Pli sinploman ni pé dir in tablatir i fé vite pou arivé, mé pou li alé sé la k’i fo ou néna la pasyans. Alé ! Dann lo tan k’i kour, mi invite azot à bien rofléshir la dsi é oir zot mèm léson zot i pé tir d’sa, si néna loson pou tiré.Alé ! Ni artrouv pli d’van. Sipétadyé.