Na in bonpé l’éspor i fé dann in ron. Lékèl ? Par égzanp in ronn batay kok, sansa in ronn moring, sansa ankor in ronn toupiy… sé pou sa k’i di : ”Mète o ron !”.

”Ar” sansa ”ro” sé in prefiks : sa i mark in l’aksyon k’I ronouvèl. Kansa sa I épas ? Sa I éspas kan inn an pami lo dé z’advèrsèr lé pa kontan avèk lo rézilta, sansa kan na in match nil. L’èrla I di : ”Ni armète o ron !”. Sa I vé dir I rozoué la parti pou oir kisa la gingné pou vréman.

Mi pans toulmoun la konpri é sir lo z’antrofète, mi fèrm mon také é ni rotrouv pli tar.