Mézami lé pa rar demoune i yème an silanss é la pèrssone émé i fé pa in ka, kissoi èl i romarke pa, kissoi èl lé an foutan. Si tèlman la pèrssone k’i yème i siporte son mal an passyanss.

Mé konm i di baton défoi i shanj de boute é la pèrssone k’i mépriz toudinkou èl i yème son tour é sé l’èr ké l’ote i trouv soulyé pou son pyé é èl i fé in kroi dsi son lamour anssien méprizé.

So kou issi èl i pass fyèrman avèk in rogar k’i di sinploman, doboute guète astèr.

Alé ! Mi kite azot rofléshir la dsi é ni rlotrouv pli d’van, sipétadyé.

Justin