Mézami pardon éskiz si mi anparl azot lo mo mèrssi, pars pou mwin sa sé in mo inportan é par li mèm li indik si ou lé poli, sansa si ou lé pa poli : si wi di mèrssi sé k’ou lé poli, si wi di pa sé k’ou lé pai. Bonpé d’moune koméla i di pa mèrssi, konm zot i di pa lo bann pti mo bien karaktéristik in n’afèr i apèl la politèss.

La politèss i sèrv kossa ? Bonpé d’moune va dir. Avèk mèrssi mi ranpli pa mon kadi mé zot i kroi sé pou sa ké li lé inportan ? Ékoute amwin bien mézami mé kamarade,.. Konm la sossyété lé la avan nou, la politèsss lé la avan nou galman é la politèss sa i vé dir si nou lé poli sanssa si nou lé pa.

Si lé vré i sar pa la boutik avèk mèrssi mé la politèss é lo réspé sa i rouv dé porte, défoi mèm i kass la glass é sa sé in n’afèr lé inportan dann noute rolassyon sossyétal. I di pa mèrssi par intéré, mé sinploman pou amontr ou lé réspéktyé bann valèr la sossyété.

Alé ! Mi kite azot rofléshir la dsi é ni rotrouv pli d’van, sipétadyé.

Justin