Médam zé Méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Sa i tonb bien pou in tan d’zé-zolinpik avèk toute zéprèv i ansèrv balon : Kissoi Foutbal li ! kissoi hand ball li, kissoi volé,kissoi waterpolo épi d’ote ankor. O boute lo boute di boute néna forsséman in vinkèr é sa i koné kan lo tournoi lé fini.

Lé bien vré balon lé ron é shakinn néna son shanss si li anprofite bien é lo vinkèr lé pa marké dann zoinal lo matin. Lé pa non pli trassé dan la sand,lo méyèr dovinèr.

Alé ! mi kite azot rofléshi la dsi é ni rotrouv pli dvan, sipétadyé.