Mézami kozman mwin la marke an-o la sé in drol kozman. Pou kossa ? Pars kan bann péshèr i bate la mèr — i di ossi bate de lo — sé pou trape poisson. Koman sa i éspass ? I fo ou néna in tramaye épi in bonpé batèr avèk shakinn in baton pou fé kour poisson dann tramaye épi pou trape azot.

Donk pou trape poisson é sa sé in téknik pou trape poisson, pa pou trape lékime pars kossa i fé avèk sa ? Zéro kalbass la fimé Gran-Boi sé kaziman pou fé in lakssion initil.

Alé ! Mi kite azot rofléshi la dsi é ni artrouv pli van, sipétadyé…

Justin