In kozman pou la route

« Béf i trap par l’trou d’né, demoune i trap par la lang ! »

16 mé, sanm Justin

Médam zé méssyé, la sossyété, koz èk mwin sé koz avèk in kouyon mé sé o pyé d’lo mir k’i oi lo masson.

Tan lontan bèf téi ral sharète é bonpé té i yèm zoué avèk zot bèf. Bèf ossi i yème zoué mé momandoné i diré li pran lé shoz o sèryé é li marsh dsi son mète. Sé konmsa k’in zour mon papa la trouv ali koinssé rante Rouget son jenn toro épi in pyé d’zake. Li la santi la fin mé li la gingn kouraz bour son min dann né bèf é kapote la tète - bèf la flanshé - é wala koman papa la gingn shapé.

Pou lo rèst mon kozman, ni koné konm Ezop téi di : « la lang sé lo méyèr dé shoz é lo pli mové ». Avèk la lang wi di zoli-zoli kozman, mé avèk la lang wi vande in péi… wi vande aou galman é sé konmsa k’in pé i rotrouv azot dovan tribinal. Mi di pa pliss, pars mi panss ni konpran anou.

Alé ! Mi kite azot rofléshir la dsi é ni rotrouv pli d’van, sipétadyé.

Justin

Padport

Signaler un contenu

Inn modékri, inn ti lavi, inn komantèr ?