Mézami, kozman mwin la marke an-o la, sirésèrtin sa i égziss dann bonpé péi, épi sou bonpé klima, sof landroi la plui i tonb pa. Mé nou issi la Rényon sé in n’afèr ni panss toultan.

Ni yème la plui, mé ni yèm botan galman é nou lé pa toussèl d’apré mwin ; mi souvien in vyé proféssèr téi sorte Nimes épi téi di an parlan d’lo péizan franssé — dann tan-la téi apèl sa lo vilain é li téi di :

« Toute i déplé ali, toute i annuiye ali, li ésplinn lo solèye, li ésplinn la plui. »

Di pa mwin nou lé pa konmsa, mé sa lé vré pou bann tourman la vi. Défoi wi pass in mové kouran é sa i annuiye aou bien, mé aprésa kan oute zannui i sava, wala ou lé kontan konm in pizon i sorte manz mayi.

Alé ! Mi kite azot rofléshi la dsi é ni rotrouv pli d’van, sipétadyé.

Justin