In kozman pou la route
« Bondyé i done son paradi, lo Grandyab i done son l’anfèr ! »
27 mé, sanm
Médam zé méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.
Mézami, noute toute i koné Bondyé, noute toute i koné Grandyab. Lapa bézoin d’ète tro kalifyé dan la vi pou konprann inn é l’ote la poin la mèm shoz pou done anou, sansa pou ofèr anou. Ni konpran bien kossa kozman-la i vé dir…
Mé wala, nou lé dann provèrb nou la é si ni anparl sé pou sorte dann paradi épi dann l’anfèr pou ansèrv kozman-la dann la sossyété é kossassa sa i vé dir dann la sossyété ? Sinploman ké shakinn i done sak li néna é sirtou pa sak li na poin.
Lozik ? Assiréman é pou ma par mi kite azot rofléshir la dsi é ni rotrouv pli d’van, sipétadyé.
Justin
Signaler un contenu
Inn modékri, inn ti lavi, inn komantèr ?
