Mézami zot i koné fitintan issi La Rényon demoune l’avé vilin boubou. Lo tan l’avé bo passé mé boubou-la li rèss la, mwa pou mwa li lé la é arien a fèr pou guéri… é kan i guéri i lèss vilin vilin mark dsi zot po. Koméla néna médikaman épi bann sinp i di koman i fé la pomade dann télé, sansa lo bin akonpagné avèk in tizane pou trète lo san. Mé avan lété pa konmsa ! Bouze aou avan trouv in sinp k’i songn bien.

Mé nou lé avèk in provèrb nou la é sa i vé dir li néna in sanss pli zénéral, pli sossyal konm par ébzanp pou dir in moune lé résponssab son prop tablatir si konm la shyass sa i suiv ali partou é la rou lo malèr i tourn pa zamé. Mwin lé sir zot i koné d’moune konmsa… pétète néna koté zot sansa dann zot famiye.

Alé ! Ni artrouv pli dvan, sipétadyé.

Justin