Mézami dann tan mon zénèss téi fé drol-drol kalité konba kissoi dovan la boutik, kissoi dan la fète, sansa ankor dan la kour lékol. Si i di azot kou d’pyé bourante ébin kroi amwin la pa pou karéssé ; parèye si i di la krosh in form la lite la pa pou zoué.

Alor l’avé toute in règloman : pou kroizé téi fo dë gal parti, é pa inn tro for épi l’ote tro fèb mé sa i vé pa dir zakssidan i ariv pa, é souvan défoi sa téi ariv. Si ni rovien noute tite par an-o la, ni konpran i fopabann konba lé tro inégal mé sa i vé pa dira arien : si in boug na l’èr faye é li lé nèrvé konm in tang, l’èrla baton i shanj de boute.

Alé ! Mi kite azotrofléshi la dsi é ni rotrouv pli d’van, sipétadyé.

Justin