Mézami néna in n’afèr demoune i yèm pas mém la kontradikssyon si tèlman ké zot i yèm pa klo moune i aprouve pa zot. Fyèr zot i lé kan i aprouv azot. Poitan wi gingn pliss losson avèk in kontradiktèr k’avèk ion laprobatèr. Lo laprobatèr sé in flatèr é konm La Fontaine téi di : toute flatèr i viv o dépan d’sak i ékoute ali, donk i aprouv ali.

Lé vré ké si wi di oui toultan sirésèrtin ou la pa pou gate avèk in moune mé lé pa bon touzour aprouvé, san zamé krétiké pars wi ède pa sak wi aprouv toultan alé oir pétète in pti kritik sré pi itil.

Alé ! Mi kite azot rofléshir la dsi é ni rotrouv pli d’van, sipétadyé.

Justin