Mézami zot i koné kan wi fé la kuizine — sirtou si lo kari lé sinp pou fé — i fo lo kizinyé i métriz toute sak i fo pou kui son kari an parmi lo marmite li lé bien abityé ansanm é pou li ète abityé ansanm in vyé marmite sé in garnti d’réissite… Mi koné pa si zot la fine romarké in mèm manzé la poin mèm gou si li lé fé par in kuizinyé(èz) sansa par in ote.

Dizon sa sé lo privilèze bann kuizine sinp é la kuizine rényonèz lé sinp… Astèr mwin lé sirésèrtin kan i di in kozman konmsa i anparl pa d’kuizine mé konm ki diré i anparl bann rolassyon mé mwin pèrsonèl mi vé pa alé dsi in térin konmsa, pars mi oi pa la néssèssité

Azot d’alé si zot i vé é ni rotrouv pli d’van sipétadyé.

Justin