Mézami, mwin lé sirésèrtin bann léktèr zoinal Témoignages i koné kozman-la pars sa sé in kozman dsi la difikilté dann in kaz fèr viv dë ménaz. Dë ménaz sé dë pèrsone pou komandé é zot i majine sa sé in n’afèr difissi pou fè ko-abité.

An pliss ké sa mi panss zot i majine kozman d’moune si néna in bononm épi dë fanm dann mèm kaz. Antouléka sa sé in n’afèr Pierrot Rosely nora bien émé-li la fé in shanté la dsi (si mwin l’avé dë fanm) ; donk artistikman sa nora pa déranj ali. Dann la vré vi sa sé in n’ote afèr.

Koméla, an pliss, avèk lo manke lojman, mon kozman i tienbo pi tro la route pars bonpé jenn i gingn pa pran zot partikilyé pars zot i gingn pa la kaz. Alor ? I fé avèk mé a kèl pène mon dyé ségnèr.

Alé ! Mi kite azot rofléshi la dsi é ni rotrouv pli dvan, sipétadyé.

Justin