Mézami, mwin lé sirésèrtin néna bonpé d’moune i koné kozman-la, pars dopi étan marmaye nou la touzour antann parl demoune i égzazèr in pé épi — dizon i profite la sityassion. In pé i di ziska wi done la min i pran lo bra alor alé débarbote aou avèk in n’afèr konmsa.

In zour mwin la rakonte azot koman bann koupèr kann dann in propriyété téi zoué karte lo soir épi téi dégoss manyok dann pyé pou fé in bouyé — konm zot téi di… Si tèlman kan zot laté fine rante zot kaz propriyétèr la trouv in karo manyok doboute mé san manyok dan la tèr. Di kou, kozman mwin la marke an-o la i sava bien avèk zot.
Alé ! Mi kite azot rofléshi la dsi é ni rotrouv pli dvan, sipétadyé.

Justin