Médam zé Méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.

Mézami, mi panss zot i koné kozman-la sirtou si zot la viv dann la kanpagn é zot ikoné dann noute péi la plipar d’moune fitintan téi viv, téi travaye « pi té i mor dnn la tèr-la.Zordi lé pi parèye si tan tèlman d(moune la parti rèst an vil mé mi panss la pa pou sa zot i gnor bann zéspréssion demoune lontan.

Sé pou dir noute kiltir ziska zord s éin kiltir riral é sa sé in n’afèr i f opa ni obliye. Poul i dor bonèr é kok i shante gran matin pou dir li lé la, dé li lo roi lo poulayé.

Pé s’fèr sé konmsa k’i fo viv pou viv lontan :dor bonèr pou lèv bonèr sa i doizète inn bone fadsson d’viv.Kossa zot i anpanss ?

An touléka mi lèss azot rofléshir la dsi é ni rotgrouv pli dvan, sipétadyé.