Médam zé Méssyé,la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Mézami i paré dann déssèrtènn sirkonstanss déssèrtin par intéré sansa par malkonéssans la sossyété i kashète zot vré pèrsonalité. Dann zistoir kréol, Grandyab i kashète son ké pou maryé avèk la sèr Tizan.

Lotrozour an politik kélk ‘in téi anparl Fron nassyonal épi li té akiz mouvman-la kashyète son mové fon pou fé kroir son prézantabilité. Donk lo ga téi di : « lo diab i prézante ali avèk son linz de fète  ». Néna galman in kozman i di : « Lé tro poli pou ète onète ! » é sa sé in kozman ni antrovoi lo sanns.

Astèr mi kite azot rofléshir la dsi é ni rotrouv pli d’van, sipétadyé.