Mézami gramoune i di touzour la politèss lé né avan nou donk i fo ni réspèk aèl pars ni pé dir sa sé in fondman la sossyété. Sé par la politèss ké la sossyété i tienbo dsi son dé pyé. Wi réspèk pa la politèss é wala ké la sossyété i kass par boute, wi réspèke aèl é wala la sossyété pli solide dsi son bann fondman.

Zot i koné dann la lang kréol i di la politèss sé lonèklté é lonèkté sé in garanti d’in bon antante dann la sossyété… an parmi bann prinssip noute sossyété kréol néna inn lé kaziman in prinssip kapital é prinssip-la sé « fé bien konpliman la famiye ! » — si wi vé koz avèk inn fkiye i fo wi di fé bien konpliman oute famikye é sé konmsa ké oute fitir bèl famiye i oi ou lé bien éduké é sa lé inportan.

Alé ! Mi kite azot rofléshi la dsi é ni artrouv pli dvan, sipétadyé.

Justin