In kozman pou la route

« Fé frèr d’san »

14 mars, sanm Justin

Médam zé méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Mézami sak mi di azot la zordi sa sé in n’afèr a par. Demoune normal i fé pa sa. Demoune dann klan i fé in n’afèr konmsa. In zour demoune la rakonte amwin in om politik l’avé fé frèr d’san avèk in batayer si tèlman kan li té dann pétrin té lo batayèr té i sokour ali épi réssiprokman. Mi koné pa si lé vré émi vann konm mwin l’ashté.

Koméla bann mové garsson i fé ankor frèr d’san : in fasson d’fèr sé d’boir lo san inn-a-l’ote, osinonsa lé dé i fé in lantaye pou fé koul zot san épi i mète koupir dsi koupir tèl sorte lo san i mélanz.

Alé ! Mi kite azot rofléshi dsi in téknik sakrifisyèl konmsa é ni rotrouv pli d’van, sipétadyé.

Justin

Padport

Signaler un contenu

Inn modékri, inn ti lavi, inn komantèr ?