Mézami ni koné bien, dézorde la mèr i anpèsh pa poisson viv. Par l’fète mi koné pa si zot i dor pou vréman mé antouléka zot lé abityé dézorde la mèr é zot i viv ladan.

Mi panss sa i vé dir si ou lé abityé viv dann in milyé, wi kontinyé viv san rode traka ladan : sak i viv dann gran silanss, gran silans i anpèsh pa li viv. Sak lé abityé gro dézord, gro dézorde i anpèsh pa li viv. Sak lé abityé lo van, lo van i jène pa li, sak lé abityé lo froi, lo froi i jène pa li, sak lé abityé le sho, le sho i jène pa li.

Finalman néna arienk sak ou lé pa abityé k’i kontraye aou in pé.
Alé ! Mi kite azot rofléshir la dsi é ni rotrouv pli d’van, sipétadyé.

Justin