Mézami tazantan néna in kozman lontan i pass dann mon tète é li pèrmète amwin rofèr lo film mon vi. Dé foi mi rakonte azot in pé mé mi di pa toute biensir pars, konm i di : « Si mi di zot va konète ! »

Kozman mwin la marke an-o la sé pou dir an avoir in lidé, mèm in bon lidé la pa toute, i fo lo moiyen pou réalizé. Pars mwin lé dopi lontan dsi la tèr La Rényon é sak mi koné sé ké nou kréol la pa lidé k’i manke anou. ni koné kossa i fo fé mé nou na pwin konm i di an-o la lo moiyen pou moiyéné.

Nou néna lidé, nou noré mèm lidé an tro é si nou téi pé vann a kou sir nou nora gingn in bon moné mé wala noute zidé i ashète pa épi i vann pa si tèlman ni pédal sir plass pou in bonpé zafèr é mwin lé a d’mandé si in zour nou va nyabou dékolé.

Alé ! Mi kite azot rofléshir la dsi é ni rotrouv pli dvan, sipétadyé.

Justin