Zistoir mi pé rakonte azot la pa sète in bourik mé d’in bèf téi apèl Roujé. Donk in zour Roujé i vé pa boir. Mon papa i fé son méyèr possib pou fé boir ali : mète do sèl dann lo, koz avèk li, flate ali ziska la kolèr i pran lo gramoune épi bav ! In kou d’pwin é lo bèf i tonb dsi la pate. Rèss arienk pou tyé ali éstèr.

Tanka noute kozman, sa sé in zimaz bann pédagog i pran pou tash moiyin fé aprann bann marmaye épi fé rante la konéssanss dann son tète mé lo marmaye i aprann ké si li vé aprann… Lo pédagog alor ? Mi panss li lé la pou done l’anvi in poin sé tou mé sé déza bokou.

Alé ! Mi kite azot rofléshir la dsi é ni rlotrouv pli d’van, sipétadyé.

Justin