Sa lété dann tan bann poul té ponde in zèf rante-rante. Koméla sa la pi la mode, mé sak lé vré pars lé syantifik sé k’pou avoir in zèf fé avèk la kokiye é tou sa i fé an in zour tèl fasson son kalkère ikokiye ali inpékab. Donk si wi sava konté ou lé riskab trouv inn mèm si néna. Donk alé konté sa lé initil.

Astèr sa sé in provèrb é normalman li aplike pa solman dann ka in poul épi son zèf, néna d’ote foi i pé ansèrv dé li. In zour mwin la antann in moune apré parl in rish avèk larzan vèye pa koman, si tèlman li mèm téi koné pi son fortine. Sa téi éspass dovan la boutik Timann é lété lo sizé di zour. Donk inn i di lo boug lé rish a pa konète sak li néna é l’ote téi di kozman mwin la marke an-o la késtyonn fèr rir la boush.

Alé ! Zot léktèr Témoignages, ni koné zot lé for. Zot i gingn trouv in n’ot légzanpe ? Toute fasson ni rotrouv pli dvan sipétadyé.

Justin