Mézamimi yèm bien bann mo pars la plipar d’tan bann mo néna in sanss préssi é in mo i dézign in kékshoz é oila pou kossa kan zot i koz mi konpran azot é kan mi koz mi panss zot i konpran amwin.

Donk sak mi romarke sé ké da la plipar bann lang la plipar bann péi la batiz bann zafèr konmsa demoune i koz la lang i koné kossa zot l’aopré dir. Mé si mi kroi Alain Peters lo kréol i koz souvan défoi an parabol pars li lé doué pou ète in parabolèr.

Sé pou sa kan mi di in chate sé in chate, sa i vé pa dir mwin l’apré parl lo shate. Lé possib mèm lo mo chate li lé dann mon tèks mé li néna arien a oir avèk in mimite, li lé sèlman-la pou anparl d’ote choz : in volèr sé in volèr, in parèss sé in parèss, in bézèr d’zèf o la sé in bézèr d’zèf o la donki chate sé in chate émi oi pa koman mi sava apèl ali lapin.

Alé ! Mi kite azot rofléshir, é ni rotrouv pli d’van, sipétadyé.

Justin