Mézami kozman mi di azot sa bann vyé moune té abityé di sa zot zanfan épi zot pti zanfan. Lé normal pars zot i koné souvan dé foi larzan lé rar konm korn lapin — pa pou toulmoune mé pou in bonpé d’moune touléka — alor si wi sèr pa in larzan vitman ou na pi.

Antouléka sé pou sa bann vyèye pèrssone i rokomande fé zékonomi. Pars sépa si zot la romarké, in biyé kassé sé in biyé fouti, vitman vitman li disparète san lèss trass. An pliss ké sa konm kréol i di, ni koné zordi ni koné pa domin.

Toute fasson zot i pé fé sak zot i vé — zot lé mète de zot — mé i anpèsh pa rofléshir é ni rotrouv pli d’van, sipétadyé.

Justin